الرئيسية
السلام عليكم ورحمة الله وبركاته
بحكم انني من العاشقات لفن الرواية احببت ان تكون لي مشاركات في هذا القسم لكن ليست هذه المشاركات من وحي قلمي بل ستكون لإبداع اقلام بعض الكاتبات اللاتي يجيدون الإبحار في هذا الفن وستكون بدايتي مع صاحبة الإبداع المتميز والمستمر
الكاتبه : ضمني بين الأهداب
ربما..!
يشهد الظلام انبلاج فجر مشرق..يتمختر بنوره ..بين طيآت الظلام..وينفجر عن غسق يلوح في البعيد..
ربما..!!
يبحث اليأس عن اركان بارده يختبئ بها من جديد..
ربما..!!
لفحات حاره ماتلبث ان تشتعل من جديد في قلوبنا وهي التي اخمدت نيرانها منذو لحظات معدوده..
ربما..!!
تلوح لنا في الافق البعيد,,,,آموراً غفلنا عنها..وتجاهلنا وجودها...
ربما..!!
عيون كثيره تتربص بنا..وفي كل غمضت عين والتفاته..تظهر..عيون حاقده..نظرات موجعه..
ربما..!!
هي..؟
... [ بـــ ع ــض العيـــون حقدهــا في نظرهــــا ]
..
مدخل..
المشكله لاصرت .. محتاج .. لإنسان ...
بالحيل محتاجه وهو ماشقى فيك
والمشكله (وأكبر مصيبه) إلى الأن ...
إذا عشقت إنسان يرفض مباديك
والمشكله لأشقيت نفسك على شان ...
إنسان مايسوى تعبك ومماشيك
والمشكله لأعطيت قلبك لخوان ...
همه كذا يلعب .. وثم ٍ يخليك
والمشكله لاصرت بالحب ربّان ...
والموج (خانك) ثم خيّب هقاويك.
والمشكله لاكنت .. مانمت سهران ...
لجل ألذي أصغر طموحه .. يبكيك
والمشكله لاكان هو قرّ الأعيان ...
تشتاق له دايم وتلقاه جافيك
والمشكله وأكبر قهر إن الاحزان ...
ماتلفي إلا من يحبك ويغليك
والمشكله خلك تجازيه بإحسان ...
ثم تكتشف انه (بغدره) يجازيك
والمشكله لاقال أنا وأنت خلان ...
ولا دار ظهره .. أعرف الخل ناسيك
والمشكله لاطحت بإنسان وإلسان ...
يزعلك مره ثم يرجع يراضيك
والمشكله ياناس لاكنت غلطان ...
ودك تصحح موقفك بس ينهيك
والمشكله لازاد صبرك بالأزمان ...
ولاقلت هانت منه كثرت بلاويك
والمشكله (موقفك) من صاحب ٍ بان ...
أتفه سبب خلاه يركض يخاويك
والمشكله لاكنت بالحيل مرضان ...
وإدواك مع خلك ويرفض يداويك
والمشكله لاكنت بالحيل ولهان ...
ودك بقربه.. بس !! ماوده يجيك
والمشكله لاكنت لي حيل شفقان ...
وتلومني ومدري انا كيف أداريك
والمشكله (وأكبر جريمه) إذا كان ...
خلك يحب إنسان دايم يعاديك
والمشكله لاغنّو الناس يادآآآن ...
والحزن مآلي بالليالي (مخابيك)
والمشكله لاكنت في بعض الاحيان ...
تلقى من يشوّه بفكره معانيك
والمشكله حظك إذا كان تعبان ...
أكيد يظلمك ... ثم يشقيك
وياشينها والله اذا طحت يا (,,,,) ...
بين المشاكل كيف تثبت خطاويك
بس الأكيد أصبر .. ترى الصبر عنوان ...
وأعرف ترى لابد في يوم ينجيك
<
<(نظرة حقد اولى)>>
..
.
.
.
بدايه\
الم يتجدد يعلن بداية فصوله..
.
.
.
وآلله لآإوريييه آلـ غ ـرآإييير ‘، وح ـقدآإن «
وآإني لآإبيح ~ كل مآإيخفي بسدي !! ..............................
ويعيش ع ـمرهـ |[ طوول آلآيآإم ~ ندمآإن ./!
وآضحك عليه ../ و | بسمتي | فوق خ ـدي ! ..........................
.
.
.
لآتليهكم الروايه عن الصلاة في وقتها
.
.
.
..
بعبق الماضي البعيد...
قبل اكثر من ثلاثين سنه,,,
....
عُرس وضحكات...تليها..حسرات وآهات..
نظرات عيون تتعلق بها آغصان الحقد...آنـــــــفاس تلهث
خائفه ومضطربه..تخاف فضح الــ ع ـيون لها... شخص بسواد حالك..
في مكان بعيد..بين الأعشاش..والبسطات البسيطه...يُلقيه..!!!
صوت صرخات طفل عمره مابين السنتين..ضائع..تائه..او ..قد يكون منبوذاً..لا..لا ..قد يكون..؟؟
.
.
.
وقبل 15 سنه من اليوم.....
...
واقف بشموخ جبروته,,وقسوته وظلمه...
ورائحته المميزه التي تسبقه في اي مكان يقصده...رائحة العود الفخم.. التي تعلقة بملابسه..وعشقتها
بكثرة معناقتها له...وهيامها به ..وترفها بوجوده,,,
بصوته الغاضب الحاد الجامد\تطلع من شوري ياعبد العزيز من سنين..!!وفوق هاذا تاخذ على عصيانك لي مواثيق وعهود..
وتسحب اليوم اخوك ها البزر معك!!!
عبد العزيز بصوته الرخيم وهو منكب على يد والده يقبلها بئلم\يُبه ماسويت حرام عشان اطلع من شورك..
تزوجت وباالحلال...واخوي تزوج وبا الحلال...ماسوينا حرام !!يبه خلاص آرض علي..ما رق قلبك الى الآن..؟
عيونه تتفحص ركوع ابنه المتذلل.. الذي طعنه برجولته ونحرها امام شيوخ عائلته..او بمصطلحنا (جماعته)..
الذين ينتمي اليها..تلك العائله
العريقه المرموقه.. التي يفتخر بنتسابه لها..
وبحده\طلقوهم والحين....؟
عبد العزيز ينزل لآخر طرف من عكاز ابوه الثابت با الارض.. ويقبله زياده با التذلل \يُبه من سنين وانا متزوج وانت عارف...
طردتني من كل شي..وماخليت بينا اي اتصال حتى أمي مآتت وماحضرت جنازتها
ودفنها والسبب آنت...ليه يايُبه تعاملني بها القسوه...وانا والله ماخطيت...
بشموخ مطعون الى حد النُخاع ومٌهتز بل وصل الى حد التهاوي\مآخطيت!!...تاخذ بنت البراق..!!البراق!!حنا حتى عطران الشوارب
مطيبن الايادي ..يتناموسون بقربنا ..يعرضون بناتهم عطايا لنا..بنات من ظهور رجال شرواهم قليل ..وانت نزلة راسي
عند ربعي وخذيت آرذل القوم...مشكوكين النسب منهوبين الجد..!!لكن هاذا ماهو بحكينا الحين..!
ناظر بعدها بتال وبقسوه\بتال آقول لك طلقها الحين والا والله بعالي سماه..
ان آغضب عليك ليوم يبعثون وان تنسى ان لك ابو اسمه مقرن....واخت اسمها الظبي.واتبرى منك مثل ها العاق,,,
بتال بضعف وهو يطالع وجه عبد العزيز المنقلب لاسود\يُبه...!!
يقاطعه مقرن بقسوه\لاتخلي موطي الراس هاذا يسحبك معه..ترى والله لانت ولدي ولاعرفك...وانت ياعبد العزيز ياموطي راسي ومسود
وجهي بين الرياجيل ..غضبي عليك لين اموت...لاتاخذ عزاي... ولاتشيل معهم جنازتي...ولاتنزل على فرقاي دمعه,,,
قاطعه ها المره عبد العزيز وبستجداء مؤلم\يٌبه هاالكلام ماهو من قلبك ... يُبه انت تعرف آنا ليه خذت بنت البراق..
يبه انا عندي ولد وها الحين رجال.. خمسة عشر سنه مابردت جوفك....خلني انادي لك ولدي..يااااسر ..
اوقفته آشاره من يد ابوه بمعنى اسكت\مابي اشوف من ذريتك احد!!!مسودين وجه مثل ابوهم....
ناظر بتال بقسوه وبحده\بتال بطلق و الا..لآ..!!
....
...
...وقفه..مع آبطال بعض الـــ عــ يون حــــ قــــ دها في نـــ ـــــظـــــــ رها...
\
عائلة الراسي...
الجده هيا....,,,ام سطام..
سطام...ابو جسار...دكتور معروف..يملك مستشفى يتوسط العاصمه....
ام جسار...رفيقة درب وحبيبه قبل ان تكون زوجه لبو جسار..,,
جسار..34 رئيس تحرير جريده مرموقه...متزوج...عنده بنتين تؤم ...درر ووسن
سيوف..30 سنه ...زوجة جسار...
عناد ....33 العمر.,,
ريان..28.. سنه متخرج من جامعه مرموقه..
شهد..21 سنه ..جامعيه....,,
..
عايلة العاجي
مقرن العاجي..الجد...ابو الظبي..
عبد العزيز.. الابن البكر لمقرن ومتوفى...
بتال.38سنه..متزوج...من اثنتين..هم
((مناير 36..ثلاث بنات..فلك...سنا...ظبي ..))
((مناهل. 34.. الزوجه الثانيه)
الظبي..ابنة مقرن الصغيره...عمرها 27سنه..وهي من زوجه ثانيه طلقها مقرن من صغر الظبي وبقة الظبي معه....
ياسر...34سنه...الحفيد الوحيد لمقرن العاجي من الذكور....
..
عايلة البراق
الاب فهد..
العمه فلك..32
مناف وملوك..تؤم24 سنه..
..
اكتفي بتلك اللمحه البسيطه....
متئكده انكم متشوقون تتعرفون على االشخصيات اكثر...لكن البارت راح يعرفكم عليهم اكثر..لأئني مو من النوع الي يحب
يسهب با وصف الشخصيات ببداية الروايه ....
...
...وباالحاضر...بمستشفى طبي مرموق..يتوسط بشموخ..آحياء الرياض الفخمه...,,,
.
.
.
-لاه لاه..
رفعت عيونها السوداء بنعسان\بسم الله عليك حاسب..!
ياسر بضحكه\ انكب العصير واخترب البالطو..؟
نزل ياسر البالطو عنه وحطه على طرف الطاولة...وبان جسمه مع التيشرت الضيق الي كان لابسه...
نزل وجبة الغدى تبعه على الطاولة بجنبها...يفصل بين كرسيه وكرسيها عدة سنتي مترات...
ياسر بابتسامه\تغديتي والا على الريق قهوه...
طالعته ملوك واشارت له بئنها تغدت...
ياسر غرس الشوكه البلاستك با السلطه الموجوده قدامه.. واكل منها ..وطالع لملوك الي كانت تتكلم بهدوء بجوال...
التفت لجه الثانيه وشاف نوال ومنى رايحن لجهته ومعهم الغدى تبعهم...
ياسر بستغراب\ماتلاحظون المستشفى هادي جدا..اليوم..
نوال نزلت غداها وجلست\لا ولله مو ذاك الزود بس قسمك الي هادي...
منى جلست بدلع ونزلت غداها باابتسامه..
ابتسم ياسر وهو يكمل غداه بهدوء...
نوال بستغراب\ياسر!!
يااسر طالعها بستغراب من آشارتها بصبعها ...بس ابتسم لما شاف المكان الي تشير له على ذراعه وعلى جرح كبير موجود با الذراع...
ياسر باابتسامه\هااا ...هاذا احلا جرح بحياتي..!
نوال بصدمه\اول مره اشوف ها الجرح ..خبرني..حادث!!
التفت ياسر لجهت ملوك الي كانت تكلم با الامباله
ياسر\هاذا الله يسلمك...وضحك بصوت واطي..
ورجع ببحه\لما كان عمري15 سنه..طلعت لي حوريه من المويه!
منى رفعت حواجبها بستغراب وناظرت نوال وبمسخره\حوريه عاد ياسر..!!ياكثر خرابيطك..؟
ياسركمل بضحكه\ايه في وحده دفها اخوها بابركة مويه بمزرعتنا..وهي كانت لساتها نونو مرها 5سنوات او اقل مادري ..؟
ونزلة للمويه وجيت بطلعها ...لاكن مستوى المويه كان اكبر من سني ..واضطرتنا المويه لمكان ضيق وفيه حدايد... وصار ها الجرح...
سكت ياسر والتفت لجهتها... وهو يسمع حكيها ماهي معه ابد...؟ قاعده تحكي بجوال...
ابتسم...
لذكريات..؟
وباقي انفاسه الي ضاعت مع حوريته الي انقذها..؟
ذكريات قديمه حيل من لما كان عمره15 سنه.. وهي 5 سنوات..!!
يحبها.. يعشقها.... يذوب في حكيها..تئسره ياناس بوجها الصغير الفاتن الي محفور بعقله الى الان...
الخايف.. المرعوب من فكرة انه يغرق
ويروح بداخل آعماق المويه,,
ابتسم اكثر وهو ..يتذكر ..صراخها ..وهو قريب..دخل با المويه ولافكر بفكرة الغرق..لما صارت بين ايديه..
والمويه تجبره على قطعة حاده با الحاجز..
حاده حيل...مثل قسوة ظروفها..
حاده حيل..وائلمته اكثر..
اشبه با السكين..باقطعة زجاج مكسوره..
هي الي تسببت بهاذا الجرح الكبير...
ابتسم وهي تصارع المويه...
ولما رفعها بيده على مستوى السطح,,الكلمه الي سمعها منها
..قرف آسر قرف...
عقد حواجبه..وطالع طرف جرحه القديم بذراعه.. 10 غرز... وكئنها عدد السنين الفارقه بين عمره وعمرها...!!
يتوسط آعلى ذراعه يخترق بعنفوان وصلابة عضلاته ...الى ان يصل الى الغرزه العاشره..,,
كم يعشق عدد هاذه الغرز...!
وكم تئسره..وتبعثره..ثم ماتلبث ان تجمعه...وتعيد الكره با نظرات موجعه تبعثره!!
تبعثره ..تبعثره..تبعثره...ثم لاتجمعه!!
وكئنه لعبه...بين ايديها...!
سكرت ملوك الجوال ونزلته على الطاولة..
رجع ياسر للحاضر و ناظر ملوك بستفهام\خالي!!
ملوك تشرب القهوه وبعصبيه صدت..,,
سكت ياسر عنها وكمل غدى..
منى بخبث\بالله..يعني قصة حب بينكم من زمان ..ههه أيا روميو وجوليت!!
ملوك طالعتها بستغراب..؟
ياسر يحاول يتدارك عصبية ملوك التي اتضحت بدقه من عيونها وراء النقاب..تكره الكلام عن هاذا الشئ\تخسي جوليت ماتجي جنب حوريتي شي..؟
ملوك طالعته..!!
ياسر حرك بهدوء دبلته الفضه ويطالعها بحب\حوريتي ..وملاكي.. وكل شي بدنيتي...
نوال انتبهت لحركات ملوك المتوتره \ طيب اوكي.. نرجع لارض الواقع... تخيل جتني حاله اليوم جدا غريبه...
حالة اهمال على تسيب في طفله عمرها شهور..تخيل امها تحرقها..و..
قامت ملوك وبعدة الكرسي..
ياسر ارتفعت عيونه معها...\وين...؟
ملوك\انا رايحه للقسم راح اجيب موبايلي الثاني.....
مشت ملوك بتجاه القسم...وقفت بممر بعيد ..غمضت عيونها بقهر..
وحطت راسها على الجدار القريب..وبيدها ضغطت على الجوال....قهر..قهر..
يبرر خدع ..!وكذب ..!ونفاق..!يزيد عليه المواثيق والعهود..!
تحس بئلم بكامل جسمها يهدها ..
مرارة...؟ضعف....؟وآجبار ...يخترقها كا خنجر...مسموم,,,,
يرقص بئلم بين آوردتها...ويتجاهل كم تعاني من هاذا الخنجر,,,
يتعارك مع ائلمها..,,,يغلبه في مرات عديده ويقتله في مرات اخرى..,,لم تشعر يوم با الانتصار عليه..مع ذاك الوجع..القاتل بصمت..
لكن باخلاص وتفاني في تعذيب ضحيته...!!
فتحت عيونها بضعف..وحاولت ترجع تتجاهل كل شي..كل شي...مشت بخطوات ثقيله بتجاه القسم الي يمر من عند البوابة الداخليه
للمستشفى....
وفي ها الوقت دخلة حاله طارئه مجموعه من الرجال ومعهم مجموعه من الجرحى..
الممرضه تركض لجهت ملوك\دكتوره ملوك حاله طارئه رجال من القوات الخاصه .. مصابين من مناورات تدريبيه...
ملوك تطالع المجموعه الي دخلت وواحد يركض جهتها...
-دكتوره لو سمحتي مساعده بسرعه صديقي برى وحالته حرجه..
ملوك \وين..
الشخص تقدم قدامها.. وركضت هي وراه وصرخت على الممرضه تستدعي باقي الاطباء الموجودين والمناوبين....
ماهي الا لحظات ...
وملوك شافت شخص يشيل واحد وباين من اصابته بليغه...
الشخص بصراخ\وين الدكتور سطام..؟؟؟؟
ملوك برتباك \نزل صاحبك هنا على السرير على السريع..
نزله الشخص وتوجه الممرضين با الشخص وحالته الباين انها حاده
وحرجه طالعته ملوك وعلى السريع\على طول غرفة العمليات... واستدعو الدكتور ياسر على السريع..
توجهت ملوك لغرفة العمليات..
الشخص بحده مسكها من كتفها...؟ وبعصبيه\ياحضرت الدكتوره..؟ قلت الدكتور سطام هو الي يشرف على حالته ماتفهمين...؟
ملوك بعصبيه بعدت يده وبحده\المستشفى هنا يمشي على قوانين مو على قوانين حضرتك...
والدكتور سطام على بالك انه دكتور عادي يستدعى من اي مكان..يااخ..هاذا مدير المستشفى...ابتعد خلني اشوف الجريح..
دخلت ملوك وماهي الا لحظات ودخل وراها ياسر...
... ...
... ~> نعُيش .. ولا اْحد يقدّم ورود فْعيد ُمولدْنا .. وبعض الناسْ حتىَ للقبوُر .. يقدمْون [ ورود ] .. !!؟ ...
...
في مكان ثاني..
وجناح من الاجنحه الموجوده با الفله الي تخص عايلة سطام الراسي.
.. ...
...
جسار ماسك شماغه المحطوط على طرف الكنبه بعنايه\مافهمت عليك!!
سيوف تتجاهل نظراته المركزه بعيونها \مثل ماقلت لك بسافر اجيب اغراض للمشغل تبعي..؟؟؟مع جزيل وخوله,,,
بنفس تجاهلها ..وبرودها...تخرج عدة اقلام تحديد ...
طالعها بنظرات حائره..موجعه..الى حد الصقيع..,,,مايتحمل ها البرود الدائم..مايقدر على الجفاء منها...وان كان بلا سبب..!
جسار بضيقه\العاملات الي معك..!
سيوف ترسم حواجبها بعنايه مثل دايم آنيقه واكثر من ها الكلمه\ايه..عندك اعتراض..!
ارتفع جسار وتوجه لجهت المرائه.. اقترب حاول تشتيت انتباه با اصابعه الطويله تعدل شماغه وينسفه لفوق...حركته القريبه منها
زادة جنونه...وعشقه..وهو يشتم بصخب رائحة عطرها..القريب..والقريب جدا...من شخصيتها المغروره..التي يعشقها الى حد النخاع...بعبق
رجولته وثقله الدائم\ماارتاح لهم ..وماحبهم يروحون معك..كلها اسبوعين واروح لبيروت روحي معي..آجليها اسبوعين..
سيوف تسحب بطاقات الصراف وتحطها بمحفظتها قوتشي الفوشيه..رفعت عيونها لعيونه القريبه جدا بعد مارتفعت ببطئ من الكرسي..
متئكده تمام من نظراته...أنُه عاشق لها دائم الى حد الثماله\ماقدر..معداتنا والميك اب تبعنا يبي له تجديد..سوري..
جسار حاول يتمالك نفسه مايعصب..هاذي هي..!ترجع ترادد بكلامه..لكن ها العيون وين المرسى فيها والمينا..سحب نفس عميق وبهدوء\ودرر ووسن من يجلسون معه ...
سيوف \مع المربيات..ليه هم موجدات !!منظر وديكور يعني!!
بحده \قلت لك لا..مافيه روحها الا معي...ماتفهمين...!
جسارخذى له دوسيهات ومشى خطوتين والتفت\مو معقوله ها الي يصير...؟ لاتختبرين حلمي وتفتحي وصبري وحبي لك على تفهات
حنى بغنى عنها..
سيوف بعد ماسمعت خبطت الباب.. عفست وجها والتفتت جهت المرايه وضبطت كم فراشه الي على شعرها وبخت كم عطر ..ونزلت..
... ...
... ~> نعُيش .. ولا اْحد يقدّم ورود فْعيد ُمولدْنا .. وبعض الناسْ حتىَ للقبوُر .. يقدمْون [ ورود ] .. !!؟ ...
...
... بجزء ثاني من المعموره,,,,
قدام مقهى مشهور..
كان ريان جالس يشرب قهوه مع اصحابه من نفس الستايل ويتكلمون عن سيارة ريان وستايله الجديد
لما سمع نغمتها المحببه الى قلبه..
ريان\اهلين
بضحكتها المغنجه\هاااااي كيفك..
ريان يقوم من جلست اصحابه ويعدل التي شيرت بوقفته\تمام وانتي...
ضي\مممم يعني..
ريان بخوف\شفيك...؟؟تحسين بشي...
ضي بضحكه\احس بشوق يذبحني ياخذني ويردني...بهمساتك وبضحكاتك يهدني..
ريان ركب سيارته و ادار مفتاح سيارته بشوق لها مهما بعد عنها يبي يرجع..
يعشق خجلها ورعشة صوتها وهي تتكلم معه يعشق كل شي فيها\يعني كل هاذا شوق لي..ولقربي..والا كيف..
ضي \مدري كذا من الله تصدق..احس اذاا غبت عني لحظه احس انفاسي معك تروح..يومين يا الظالم يوووومين..
ريان ضحك بخفيف\اانا الحين جاي..حرمتيني من جلسة اصحابي زين كذا..
ضي بفرحه\قول وربي.. قول ..لاتقول امزح..
ريان ضحك\والله جاااااااااي الحين لك..انا بعد مشتاق
ضي بفرحه ماقدر خجلها يخبيها\طيب طيب..اقوم الحق اجهز نفسي..
ريان بعذوبه\انتي كلك على بعضك في كل الحالات قمر..
ضي استحت\اوكي اتركك ممكن..
ريان\على انه مايهون بس كلها ربع ساعه واكون عندك..
ضحكت ضي وسكرت منه
ريان ابتسم في ها الوقت ونزل جهازه على الكرسي الي جنبه..ناظر شكله با المرايه االاماميه..عدل شوي بسبايكي الثللجي..
وابتسم على شكله... ...
... ~> نعُيش .. ولا اْحد يقدّم ورود فْعيد ُمولدْنا .. وبعض الناسْ حتىَ للقبوُر .. يقدمْون [ ورود ] .. !!؟ ...
...
...
با المستشفى...
ملوك طلعت من الغرفه.. وانتبهت للمجموعه ..التي ما ان طلت ملوك من باب غرفة العمليات...حتى تحلقو عليها,,,
لكن شخص بينهم اخترق الصفوف التي تحلقت وبنبره حاده ومرتبكه من المجهول\كيفه ..هو حي..؟
ملوك توترة من الرجال المتحلقين عليها ونظراتهم مصوبه لها بتوتر \حالته الحين مو مستقره..راح يطلع الدكتور ياسر بعد شوي ويطمنكم...
الشخص بصراخ\كيف ماتدرين وانتي طالعه من عنده توى...؟؟؟تبين تجننيني..؟؟بس ماراح نلومك..فانتي حرمه..ولا شكلك واضح
دكتوره مبتدئه ..او حتى يمكنك لسا امتياز!!!
ملوك آنصدمت من الهجوم العنيف الي انطلق كارصاص يخترق اذنيها..تحكمت باعصابها بصعوبه\عفوا...التزم الهدوء...وتكلم بصوت واطي وبئدب
انت بمشفى ...
تكلم يوسف وببحه\دكتوره اعذريه هو مصاب ومارضى احد يفحصه والي جوى رفيقه من زمان ..ممكن تشوفينه..؟
ملوك التفت لجهت يوسف وانتبهت لشخص الي يشير له...وهو نفس الشخص الي كان قبل ثواني يصراخ...
شافت يده تنزف وبتحديد جهت الكف...نادت الممرضه لجهته,,,,
ملوك لشخص وهي تعد الف مره قبل لاتترك المكان الي موجود فيه\لو سمحت انت يدك تنزف ممكن اشوفها..؟؟
عناد طالعها بحده لما حط يوسف يده على كتف عناد وجلسه على الكرسي اللي وراه..
ملوك نزلت لجهت عناد ومسكت يده الي كانت تنزف وجتها الممرضه با الادوات الي تلزمها ..
ملوك بهدوء بالغت في التحكم فيه\ممكن اعرف الاصابه كيف صارت..؟
عناد طنشها وطالع لجه ماهي موجوده ..
يوسف بحزن\كان فيه تدريبات في مجموعة من المداهمات الخاصه.. المتخصصه بتفكيك المتفجرات..
وصار فيه انفجار بقنبله فشلو في تفكيكها,,
ملوك وهي تشوف الجرح الغاير بكف عناد\اممم يعني انتم من القوات الخاصه با المداهمه..المتخصصه في تفكيك المتفجرات والقنابل..؟
يوسف ببحه \لا ..(نحنى القناصه)....
عناد بحده بصوته المميز والغريب كئنه جهاز استشعار يرسل ذبذات ذهول قبل ان يتكلم ليجبر الجميع ان ينصت\يوسف ممكن تسكت...
نسيت ان هاذي الامور سريه وخاصه..؟
رفعت عيونها ملوك بحقد لها الشخص المبالغ بغطرسته الغير مبرره..رفعت عيونها في جهت عناد تطالعه ,, انصدمت بملامحه القريبه..
والقريبه جدا...دقنه المرسوم بحده ودقه غريبه...لترفع عيونها ببطئ
لشفايفه الواسعه الرفيعه ..وبوتيره ذاتها ترتفع عيونها لئنفه الحاد الشامخ المرتفع بأنفه ..
وغرور بغرور كلماته الجارحه..,,,لترتفع عيونها بنجذاب غريب يناديها
ان تتابع بدقه وبلحظات معدوده..غابت فيها ملوك عن الضجيج ..تابعت رفع عيونها لتتوقف فجئه بعيون صارخة
الحده..صارخة التحدي .. صارخة الغموض...تجبرها ان ترسي وتتوقف ,,,,عند شواطئها..,,,,,,
يوسف ببحه\انا ماقصد يا ..
قطع تئملها فيه صوت يوسف..ملوك بعصبيه قطعت على يوسف تبريراته الي كان بيوجها\الجرح لازم له خياطه...
صدت بنظرها بصعوبه وعيونها متعلقه با رتبة التي كانت على كتف الشخص الي كان امامها...!
في ها الوقت طلع ياسر من غرفة العمليات..
وقف عناد لما شاف ياسر طالع\ها دكتور كيف الحاله..
ياسر بتوتر\اطلبو لصاحبكم الرحمه...توفى....
عناد من دون تصديق\رعد مآت...؟؟؟؟؟
يوسف نزل على الكرسي وصار يبكي بصوت مسموع....
عناد طاح على ركبه بنهيار... بنهيار..بنهيار...وانهار...
رعد..مات..صديق مقاعد الدراسه والشباب....مات!!
اجتمعو باقي الفرقه وصارو يواسون بعض ويبكون على زميلهم الي توفى..وشكلو حلقه كل واحد منهم يهدي الثاني ....
وكئنهم اصبحو بنيان مرصوص,,,
......
...
... ~> نعُيش .. ولا اْحد يقدّم ورود فْعيد ُمولدْنا .. وبعض الناسْ حتىَ للقبوُر .. يقدمْون [ ورود ] .. !!؟ ...
...
في صالون سيوف..
آضافرها المرتبه بطلاء وردي باهت.. وتعليقة قلب باخر آضفر باصابع يدها..ضبطت الورده البيضا على طرف شعرها العسلي..
جزيل بصوت واطي\مدام شو بتئولي..؟
سيوف تاخذ فنجال القهوه من الصحن وترتشف منه بهدوء معالمها\اخاف ننكشف!!
جزيل بضحكه\شو بنكشف!!..صدئيني يامدام..راح تجري الفلوس بيدينا جري..
سيوف حركت بصبعها طرف شفايفها\خليني افكر ياجزيل انتي تدرين لو نكشف شبيصير!!
جزيل\شبيصير يعني..مابيصير شي..انتم عيله واصلين اسم الله..وفهمك كفايه..
ابتسمت سيوف \بس..خليني افكر..
جزيل\بتربحي..!!وراح يصير لك حساب خاص فيك مو مشترك مع البيك ..يعني راح يكون ليك استلالئيتك...فكري منيح...
سيوف بتوتر\خلاص اوكي سوي الي يريحك بس يكون بعيد عني.. يعني مايكون بنفس تواجدي هنا با الصالون اوكي
جزيل باابتسامه عريضه\اكيد!!..
..... ...
... ~> نعُيش .. ولا اْحد يقدّم ورود فْعيد ُمولدْنا .. وبعض الناسْ حتىَ للقبوُر .. يقدمْون [ ورود ] .. !!؟ ...
...
..
ضي وريان..للعشق عنوان..
ضي داخله جوات مفرشها الكشميري..\لا ياريان حنى كذا مرتاحين..
ريان يعدل السبايكي عند المرايه\انتي زوجتي ياضي ولازم الكل يعرف بها الشي..
ضي بحزن قعدة\بس ياريان انا..انا..انا..
ريان استدار لها\انتي ايش..؟
ضي بقهر حاولت تكتمه لكن اطلق صراحه من سجنها \انا مالي أصل..بنت مو قبيليه..بنت ماتناسبكم ولاتشرفكم ولاهي من ثوبكم..
فتح عيونه ريان بقوى وهو يشوف ضي تمسح دمعتها بطرف كم بجامتها الحرير..حس ان الغرفه تنطبق على صدره وهو يشوفها
بها الشكل...يكره كل مايضايقها..كيف وهي تبكي بئلم قدام عيونه...
ريان بعصبيه نزل نفسه لجهت دقنها ورفعه بصبعه\انتي زوجتي..زوجة ريان ولد سلطان الراسي..انا مايهمني انتي بنت مين والا من اي قبيله وحتى لو مانتي
قبيليه..انا اساس ماعترف با القبليه..ماعترف بها التخلف..ماعترف بقوانين فرضوها ناس من المجتمع
عقولهم ماتتعدى حبة جوزه..
ضي بين دموعها\لاياريان انا كذا مبسوطه دامني معك مبسوطه مو مهم احد يعرف من اهلك انا مابي الاانت وبس..
ريان يطبع قبله استنشق معها عطرها \بس انا ابي الكل يعرف انني متزوجك ياضي..انا احبك وهاذا اقل شي اقدمه لك..واذاقصدك انك مو قبليه
اسمي يرفعك ومالك هم بئي احد..
رفع نفسه ولمس انفها الصغير بخفه\يالله اهتمي بنفسك ..
ابتسمت لريان وهو يطلع وتسمع صوت الباب لما تسكر غمضة عيونها بحزن ..مستحيل اهله يتقبلون ان اهلي مو قبلين
وين بتودينا ياريان وين بتوقف حياتنا على اي مينا بعد اليوم..
.....
ومضه..>قضية ملوك وضي تختلف تمام ولاتتشابه للمعلوميه فقط..!فا ضي من دون اصل فاصولها ترجع ل,,,اتركها لكم كامفاجئه
اما ملوك فهي قبليه لكن اقل مستوى من قبيلة العاجي...,,,
...
... ~> نعُيش .. ولا اْحد يقدّم ورود فْعيد ُمولدْنا .. وبعض الناسْ حتىَ للقبوُر .. يقدمْون [ ورود ] .. !!؟ ...
6 ص..,,’’
...
بين اروقة المستشفى وممراته..التي تنبعث منها روائح المعقمات,,والكثير من اهات المرضى,,,
ياسربضحكه\فديت الي ابتسم وضحك.. !
-هههههه
-طيب اوكي بس كذا
طب سمعيني كلمة احبك..
ضحك ياسر بصوت مسموع وهو نال مبتغاه..
لمح ياسر ملوك وهي واقفه عند الرسبشن ابتسم بحب لجهتها..بس استوقفه الصوت الرخيم الي معه على الجوال...
-ياسر حبيبي انت معي...
ياسر انتبه\اوكي غناتي بعدين اكلمك...
سكر من غير لايسمع اخر جمله.. وراح لجهت الحب الي معه من حياته والى مماته...
(طيب..طيب...آسمع اعتراضات كثيره منكم..بس آسمعوني .. آسمعوني...لاتستعجلون باطلاق الاحكام..
قولو عني طيش شباب..قولو عني مراهق متئخر.. قولو لي ماستاهلها ..
قولو أي شي راضي تقولونه عني ..عارف انكم مستغربين مني ولحد النخاع...
بس انا آعشق ملوك لحد الثماله فعلا.......آعشقها...
لاتقولون و شعور ملوك...!!ملوك هاذي عشقي ...وراح تظل ...بس المشكله فيني وعارف..هههه..بس اوعدكم راح اتغير لما اتزوجها..ههه)
..
وقفت ملوك عند الرسبشن تطالع في اوراق كانت معها...
ياسر جاي لجهتها وبصوت خافت\دكتورتي...لسا ماطلعتي ..
ملوك التفت له وبابتسامه\لا..اليوم انت عطيتنا عين اللهم لاحول...
ياسر ابتسم لها بحب ونزل علبة البيبسي الي كان يشربها...
عقدت حواجبها ملوك \الساعه 6 الصباح وانت مرهق وفتحت ريقك على بيبسي..مب صاحي...
ياسر طالعها بضحكه والتفت لجهت الممرضه وصار يكلمها عن موضوع مختلف...
عدلت ملوك نقابها..وبعدت طرفه بيدها شوي ..تحس بكتمه...وصداع اجتاحها بغرابه..
ياسر التفت لملوك\ها السايق تبعك وين..؟
ملوك بهمس\خلاص هو ينتظرني برى بس اروح اجيب اغراضي من غرفتي واطلع..
ياسربتعب \يالله ياقلبي بسرعه عيوني ماقدر افتحها راح يكبس علي النوم..
ملوك ابتسمت\آسر روح لازم يعني اذا كانت نوبتي تمشي وراي لحد البيت خلاص انا مع السايق ماراح يصير شي..
ياسر وهو مسكر عيونه ويحرك شفايفه بكلمة روحي وقلبي ويئشر على قلبه برسمة قلب..
ملوك ابتسمت ..
-لو سمحتي دكتوره ملوك...
التفت ملوك لجهت يوسف\هلا اخ يوسف محتاج شي...؟
يوسف بتوتر\عناد هدى الحين ياليت تشوفين يده..الله يعافيك..
ملوك كانت بتتكلم لما قاطعها ياسر بصوته الخشن ..\يااخ الحين خلصت نوبتنا تقدر تروح لدكتور الي استلم حالته الحين...معليش تعرف البارح
كان علينا ضغط ..الله يقومه با السلامه...
يوسف انحرج..ورجع خطوتين لورى لما..
ملوك\اوكي اخ يوسف انا الحين جايه..اسبقني لغرفة صاحبك والحين اوافيك هناك..
ياسر عصب وعض على شفايفه والتفت للجه الثانيه بعصبيه..
يوسف وهو رايح \اشكرك..انا سابقك للغرفه..
ملوك التفتت لجهة ياسر\آسر هاذا شغلي..مو مرتبط با الاوقات والدوام الرسمي...هاذا عمل انساني بحت..مو انت الي نفهمك انه
عمل انساني..انت اكثر واحد يعرف..
لحضات وماشافت ملوك اي ردة فعل من ياسر غير العصبيه..الي كانت مرتسمه بدقه على وجه..
ملوك\اسر..روح انت........لاتستنى...ممكن...
ياسر ضرب بقوى ارضية الطاولة الي قدامه ومشى من غير كلام من قدام عيون ملوك...
ملوك تغاضت عن تصرفات ياسر ..تعرفه من صغرها..عصبي ودمه حار لحد الجرح..
ورجعت شدت البالطو على نفسها..وتوجهت لجهت الانصنصير
فتحت الانصيصير وانتبهت لجوالها الي يدق بصرار..ابتسمت...
ملوك\هلا يُبه..
انا بخير..لا ..ماقدر ارجع للبيت..عندي حاله طارئه...
مادري بضبط....لاتقلق...يالله مع السلامه..
سكرت ملوك الجوال وحطت الجوال با الجيب ..
انفتح الاصنصير وطلعت... نادت الممرضه ..وتوجهت لجناح عناد..
..
ملوك فتحت الباب الجناح ودخلت وعطتها الممرضه ملف عناد..
يوسف با ابتسامه\الله يعطيك العافيه عذبناك ..وضغطنى عليك..
ملوك من دون اهتمام\هاذا واجبنا...
انتبهت لعناد الي كان نايم بهدوء ووجه الي كانت مرسومه عليه الحده والعصبيه والتكبر مرتخيه بهدوء...
لكن واضح التعب على محياه..
كانت تبي تبصق على وجه..جزاء لقلة تهذيبه..كم تكره هاذا الوجه...المختلط بوسامه طاغيه تجبرها ان تتئملها وكئنها سحر..سحر
غريب..لم تعتقد في يوم من الايام..بوجود وسامه موجعه وغريبه..كاشخص قليل التهذيب ..نائم بئدب امامها الان...
تداركت تئملها الغريب من صوت الممرضه...
الممرضه\دكتوره ملوك نزف كثير لازم خياط الجرح...
ملوك اشارت لها تجهز الادوات وقربت من عناد وفتحت كفه بهدوء..أشتعلت بنار سرت بعروقها بغرابه..
وكفه بين آياديها....تجاهلت بصعوبه هاذا الاحساس ...وبدت خياطة الجرح..
دقايق وصارت تلف الجرح بشاش وثبتته..
الممرضه\دكتر في حاله ثانيه با القسم الثاني...
ملوك حاولت التنفس ببطئ \اوكي جهزي كل شي لما اوصلك...قستي حرارة المريض..
الممرضه\الحراره كانت مرتفعه والحين طبيعيه..
ملوك تطالع ملفه ونزلته على الطاولة الصغيره\الحمدلله على سلامته...
ماهي الا لحضات وتوسط المكان شخص مهم با النسبه لجميع المستشفى.....
الدكتور سطام الراسي\شصار شفيه عناد..؟
ملوك طالعت الدكتور سطام بصدمه وهو متوجه لعند سرير عناد.. ويطبع قبلات على جبينه..
وشخصين ورائه ...تناوب على ذات الحركه..
ملوك بستفهام\دكتور سطام...!
سطام بحده\دكتوره شخصي لي الحاله على السريع..
ملوك برتباك\الحاله جرح غائر با باطن اليد.. سببت تمزق داخلي من الدرجه البسيطه...نتيجة شضايا من انفجار لقنبلة يدويه...والمريض الان
بحاله جدا جيده...
سطام طالع عناد والتفت لجهت يوسف\كيف صار كذا..؟
يوسف برتباك\تدريباتنا اليوميه...!
ملوك\دكتور حالة المريض مستقره تقدر تطمن عليه بنفسك..
سطام طالع عناد بتفحص..ومسك يده الي كانت مجروحه
في ها الوقت سرقت ملوك نظره لاسم عناد الي بملف وانصدمت وهي تقرى اسمه الثلاثي..
عناد سطام عناد الراسي...!!
..
حركت شفايفها بهمس ولد صاحب المستشفى الدكتور سطام الراسي..!
... ...
... ~> نعُيش .. ولا اْحد يقدّم ورود فْعيد ُمولدْنا .. وبعض الناسْ حتىَ للقبوُر .. يقدمْون [ ورود ] .. !!؟ ...
...
بقصر مقرن العاجي...
غمض عيونه وهو يسمعهم بضيق...
مناهل\الحمدلله والشكر الحين تبيني اصوم اصوم وافطر على بصله..لاياحبيبتي انا بجيب الي يرفع اسم بتال ويحفظه..
مناير وهي ترفع شعر بنتها فلك بربطه\اقول انثبري هناك الحين عالجي نفسك ..
بعدين احملي ياحبيبتي كان غيرك اشطر الولد بجيبه انا ..
هو اساسا ماكان بياخذك لو بنات الحرام الي زينوك بعين عمي...وخطبك لبتال...
والا لو الامر بيده كان والله ماعرفتيه وانك منطقه ببيت اهلك..
مناهل بضحك\ههه الله يعافيك اسكتي..لانكشف المستور..وحتى انتي ماكان بياخذك بتولي..
بس تعرفين الي خطبني لولده هو الي خطبك والا لو الامر متروك بيده كان حتى انتي منطقه ببيت ابوك للحين
مناير حمر وجها من القهر \تكفين بس والي يرحم ولدينك يقالك تقهريني يعني...اهجدي بس لااصفطك بكبت سنا الحين...
مناهل بضحكه تبي تقهرها\لا شدعوه ابي كبت فلوكه..انقلعي انتي وبناتك هناك يام البنات..اام البنات ام البنات ,,
وصارت تطلع لها لسانها...
مناير مسكت فرشات فلك ورمتها لكن قدرت مناهل تتفادها..
مناهل وهي طالعه لجناحهاا\موتي قهر الليله عندي بتال وراح اخليه يذوب من كثر الرومنسيه مب مئذيته ببناتك..
دخلت بسرعه مناهل قبل لاتسمع دعاوي مناير عليها..
كل ها الكلام السخيف كان تحت مسامع بتال ...
الي كان مغمض عيونه بغرفه خاصه فيه... مفصوله عن الجناحين الي خصصهم ابوه لزوجاته وله..
ابتسم بقهر وفتح عيونه...بعيد عن الواقع الي عايشه..تذكرها وهي تسكر الباب بقوه في وجه..
ماتوقعت ان مع زوج اختها احد...كان شكلها صغير ببداية المراهقه..كانت حلوه حيل..حيل..
لما طلع اخوي سئلته عنها وابتسم وخبرني انها اخت زوجته..
وطبعا كانت التفاحه المحرمه علي..لا لشي..لكن ابوي مايرضى بنسب اقل من نسبه...
وتزوجتها..بسر..بعيد عن سيطرة ابوي ومباركه من اخوي الي طلع عن سيطرته...
ماستمريت معها كثير..يمكن ست شهور..وعرف ابوي با السالفه..
وبجبروته سيطر علي بحكم صغر سني وخلاني اطلقها...والا..اخوي..رفض يطلق زوجته الله يرحمهم..
والى الان..احس بجمره بجوفي..ماقدرت اطفيها..!
مسح عيونه بيدينه ورجع راسه بقهر على الكنبه لما انفتح الباب عليه بدفاشه
مناير بصوت عالي\بتال شوف لعجوزك الي ماخذاها حل ..
بتال وهو يتصنع انه مايعرف شي\ليه شسوت لك مناهل يامناير الحين..
مناير تجلس وريحة الزيت الي بشعرها سابقها\وش سوت بنت ابليس..تسئلني وش سوت...وش ماتسوي..على الطالعه والداخله بس تمليح انها الي بتجيب ولد..انا ماودي والله اجرحها كله تقدير لك ياعميري والا هي مالها قدر عندي ها السمجانه..لا ويعني اني شي..وهي ترى على فكرا ماهي بشي .
استمرت الاسطوانه المعهوده على اذان بتال..
بتال بثقل\والحين خلصتي..
مناير طالعته بصدمه وهي تشوف حواجبه المعقوده\وش خلصت هو انا بدية بس ماتلام اساسا اسم ها الي ماتسمى يضيق الخلق..
بتال بعصبيه\مناير مليون مره قلت لك لاتجيني وانتي حاطه ها الزيت على شعرك..
مناير بطفاقه\يووووه نسيت ياقلبي بس والله بناتك ماخذين وقتي شسوي ..
بتال\طيب قومي قابلي بناتك..ابي اجلس لحالي..
قامت مناير بزمجره وراحت لجناحها..
ماهي الا ثواني وهو اساسا عارف ها الشي لما شاف مناهل تطل عليه من باب
مناهل باابتسامه\قلبي لوحدك...
بتال طالعها بهدوء وتم ساكت..
جلست بسرعه بجنبه وبهدوء\ياربي قد ايش هي مزعجه مناير وبناتها مدري ليه ماتحب يصيرون نظيفين ولابسين حلو قدامك رفله بزياده اوف منها مدري كيف كنت متحملها ..
بتال\مناهل شفيك بعد..؟بينكم مشكله يعني..؟
مناهل تحرك قميصها وتنفخه بهدوء على صدرها\مشاكل مني ...لا لا...كل ها المشاكل هي تفتعلها والا انا يالبى قلبي حتى القط ياكل عشاي..
بتال حرك سبحته بين اصابعه\والمطلوب..
مناهل باابتسامه\يالله قوم معي لجناحي..تريح اعصابك ..يالله..
بتال بحده\مناهل..مب يومك ولايومها..قومي روحي لجناحك قبل اعصب..وبعدين مليون الف مره اقول لك ماحب ها التهريج الي على وجهك
اذا بتظلين كذا بصير في عيوني شي من الالوان االي تدمجينها.....
قامت بسرعه مناهل وهي خايفه وهي تعرف مزاج بتال اذا قلب..مايرحم احد..
مناهل\طيب قلبي..اوكي..تصبح على خير..
طلعت مناهل من الغرفه..
وظل بتال لحاله يحرك سبحته بهدوء لذكريات
..
نقف هنا
موعدناا بإذن الله غداً ,,,اتمنى لكم قراءه ممتعه.
.
